Kuonyesha jinsi janga la COVID lilivyosukuma watu wengi kama milioni 124 zaidi kwa umaskini uliokithiri, mkuu wa UN alisisitiza kwamba “mamilioni ya watu” wameachwa katika hali ya hatari ya janga hili.
Nusu ya wahasiriwa kutoka kwa nchi zenye kipato cha chini ni watoto, kama alivyosema Bw. Guterres, kabla ya Siku ya kukumbuka vita Dhidi ya Usafirishaji haramu wa binadamu Duniani, akiongezea kwamba wengi wanasafirishwa kwa ajili ya kufanya kazi za kulazimishwa.
“Wahalifu pande zote wanatumia teknolojia kuwatambua, dhibiti na kuwadhulumu watu dhaifu,” mkuu wa UN alisema, akiongezea kwamba watoto wanaendelea kulengwa kupitia majukwaa ya mtandaoni kwa ajili ya dhulma za kimapenzi, ndoa za lazima na unyanyasaji wa aina nyengine.
